李小琳離開中電國際（2380），就提咗首詩畀公司，等員工「見詩如見人」，8月底離開數碼通（315）嘅黎大鈞，近排密密減持，睇嚟想搣甩數碼通喎？
黎大鈞於上月25日及26日累減持數碼通60萬股後，根據聯交所股權變動資料顯示，佢7月2日又以平均價13.63元，再減持175萬股，最新持股數目764萬股，持股量為0.72%。當日該股收報13.52元。
𠵱家市況咁波動，難得數碼通個股價都仲喺一個月高低位的區間（12.36元至14.64元）上下波動，當黎大鈞悉售股份，以平均價13.63元計，都可以套現到成億㗎！
如果黎大鈞走得咁徹底，電訊界可能少咗個寸人不手軟嘅「金句王」，自此回復平靜，不過，華華就少咗題材同大家分享啦！