Uber事件搞到滿城風雨，香港有班的士司機仲話要「佔領馬路」抗議。不過，大陸市場似乎好歡迎「Call車App」喎，包括日本愛情動作片女星、有「暗黑林志玲」之稱嘅波多野結衣，去到北京都要坐神州租車（699）旗下嘅神州專車（Ucar）。
成日去北京出差嘅人，可能都身同感受，喺當地截的士真係難過登天。阿里巴巴最初搞「Call車App」，北京就係第一個試行嘅市場，仲帶起咗內地Call車風氣。波多野結衣前日去北京參觀新浪（Sina）總部，亦都選擇咗Call車，不過就係坐神州專車，睇怕都係噱頭嘢居多。
其實，香港咁多間「Call車App」都可以抄橋，搵返一兩個日本女星嚟香港Call車做宣傳，班的士司機大佬見到咁多靚女，自然都無咁躁啦。