李慧詩（Sarah、圖）又有好消息啦！五月底喺澳洲擸走四金一銀，佢一直留守香港單車館訓練，希望200米時間可以保持喺11秒內。噚日就喺fb宣佈好消息，話打破咗自己200米紀錄，身為基督徒嘅佢仲感謝神。Sarah未有透露時間，但三年前佢就造出10秒7，因為200米係爭先賽嘅資格賽，影響首圈種籽排名，今次突破樽頸，相信對佢喺明年里約奧運爭先賽係一大優勢。