張文采前日在網上自爆跟自稱三線藝人的羅鈞滿結束四年情，更直指是浪費四年光陰。靚女主播張文采飛甩三線藝人羅鈞滿，有傳是因為有報道踢爆羅鈞滿搭上一名空姐，昨日羅鈞滿在電視城現身對分手一事說：「我諗佢（張文采）都寫咗出來喇！我都冇補充，佢都冇補充。」
「對我唔係浪費」
問到現在是否單身，羅鈞滿說：「係呀。」談到張文采指浪費四年光陰，他說：「我覺得一段關係有學習、有得着，對我嚟講唔係一個浪費，嚟緊希望大家開開心心，最緊要多謝大家關心。」他表示二人已分開一段日子，更否認因出軌及媾女導致分手，他說：「或者讓大家去繼續行自己嘅路，會更加適合。」
另外，事業感情兩得意的陳凱琳昨日以一身性感打扮笑面迎人，白色大露背長裙相當搶鏡，問到鄭嘉穎會否前去沖繩探班？她說：「我相信唔會，每日都要開工。」
撰文：非非
