芭蕉扇（圖）係近期潮物，潮到專欄作家屈穎妍都幫佢寫文。自言「不戴帽不打傘不塗防曬」嘅屈穎妍寫文，話佢好睇唔過眼街上啲後生仔女，正值血氣方剛年月，所謂「青春，本應是『捱得』的代名詞」，如果「連熱一點的苦都受不了」，要拎住芭蕉扇嚟吹，試問「將來如何成大事？」。所以佢寄語大家「放下你的芭蕉扇」，「流一點汗、多吃點苦」，咁樣「來到冷氣間，你才會懂得感恩、懂得珍惜」。
屈穎妍就話年輕人唔捱得，不過高登仔好快就抽佢後腳，搵番屈小姐一年多前寫過篇文，話經常喺某商場嘅琴行外等女，貪嗰度有張小沙發、又有冷氣嘆，「舒適得很」。咁高登仔意思係乜，怕且唔使八方畫公仔畫出腸！