朝早賴床令你好苦惱嗎？日本最近推出了一款「行刑工具」，名叫NANDACLOCKY；設計好簡單，就係在鬧鐘底部，加上兩個轆，鬧鐘一準備響，就會周圍走，由於佢以ABS膠機身配合防撞式設計，所以就算從高處轆落枱底、甚至轆落樓梯，佢都會繼續執行一個鬧鐘應有嘅責任！而解決佢嘅方法只有一個，就係捉住佢，先可以熄咗佢！
個人認為，呢個會走佬鬧鐘，比較適合後生仔多啲，如果你係老人家真係建議咪試，因為剛起身嗰吓、好易閃親腰骨，到時一樣返唔到工，得不償失。
日本那邊剛推出市面，購入價是7,000日圓（約港幣$443），四粒AA電芯，可以使用6至8個月，不過當然，如果你係超賴床一族，使用時間亦有可能大幅縮短！
記者：朱崇德