日本女歌手濱崎步前晚喺橫濱Arena舉行日本巡演最後一場騷，今次巡演由4月開始，喺十個都市共舉行咗22場，觀眾人數達17萬人。前晚因為係最後一場，步姐加碼演出，唱足3小時45分鐘，共唱咗34首歌，佢唱到《Secret》一曲同埋encore到最後時都一時感觸唱到喊。
而步姐個舞蹈員前男友內山麿我，被八卦雜誌《週刊女性》發現佢今年3月已經同細佢五歲嘅女友結咗婚，《週刊女性》去追訪內山嘅時候，佢話自己其實唔想結婚，仲夠膽話其實呢個女友只係性伴侶，不過，因為搞大咗個肚，女方又唔肯墮胎，所以惟有結婚。內山仲公開話除咗呢個女友之外都有其他性伴，步姐應該慶幸自己一早飛走呢個賤男囉。