以低至一折價清貨嘅宜家傢俬（IKEA），清貨行動哄動全城。Happy Friday當日，大批人群逼滿東九龍一個大型商場，深宵瘋狂購物夜的場面較農曆年宵夜強勁，更癱瘓整個東九龍交通系統。捱更抵夜為掃平貨的人，到天光都未輪到佢畀錢，香港人血拼的耐力真不可少覤。
查實，這種震撼嘅畫面，在地產發展商的售樓處經常出現。市民一邊喊樓價貴，一邊又搶住入市，眼見市場指樓市泡沫就快爆破嘅言論，講了N年，連政府都多次出手壓抑樓市，樓價仍然高企，當市場一有略為貼市價、輕微平過二手價推出的新盤應市，即撻着那股血拼的熱情，瘋搶新盤，與「一折傢俱」搶清光情況，沒有兩樣。
為了買層樓，有新盤揀平日開賣，打工仔甚至請假去買樓；將軍澳緻藍天出現8伙撻定單位，竟然有逾千人入票爭購，由於反應超乎預期，平均135人爭買1伙，群情之洶湧至幾乎失控，銷售最終叫停，要再抽籤安排出售。種種現象，都揭示了香港人為了住屋，可以去到有幾盡。近日股市極為波動，又是危機下的契機，市場已觀望有否平價貨跌出來，機靈的香港人，執平貨的動力總不會停下來。
記者：湯家明