筆者曾見到股壇無數奇事，近日發覺A股本身已經成為一大笑話。阿爺下旨托市，前晚內地最大21間券商表示，出資1,200億元人民幣掃ETF，然後證券業協會又發公告，要求其他所有券商，「必須正確認識形勢，比照21家證券公司，作出相關行動。」請問，呢個證券業協會是何方神聖，可以指令券商一定要買股？
券商股H股噚日全線大跌，一個正常人會諗到，當阿爺逼股東攞錢去救國，一定係災難，但券商A股全部勁升，再次證明內地思維與別不同。
阿爺托市無所不用其極，社保基金唔准沽只准買，之後又會推養老金入市。突然覺得，比起內地，原來香港人的「強迫金」已經好幸福。起碼市民可以換貨幣基金唔買股，基金經理又唔需要聽政府指令，一定要係不適當時機，去買貴股救大戶。
黃尹華