恒地（012）主席李兆基「四叔」嘅外孫女李敬恩（Kristine）兩年前加入公司學做嘢，如今學有所成，噚日就首次出嚟同傳媒見面，出席元朗「千色匯」商場翻新後嘅開幕禮。Kristine今次係第一次擔大旗做「千色匯」商場系列的項目總監，佢坦白話幫手打理家族公司都有啲壓力，始終自己屋企生意，要上心啲。
目前已經係恒地租務部助理總經理的Kristine又透露，平日外公「四叔」、父母和舅父李家誠，都有過兩招畀佢；不過佢好謙虛咁話，仲係要請各位記者行家多多提點。華華噚日見佢答問時談吐得體，未出場嗰陣仲同嘉賓有講有笑，幾淡定喎！相信四叔好放心，將咁多瓣生意陸續交畀下一代接班喇。