以為「央媽」出面可以力撐大市，但市況好快「天氣不似預期，但要走，總要飛，道別不可再等你」，個個都爭先恐後不問價沽貨，祈求大市最終可以又一次「來回地獄又折返人間」不果。
今日最多人發的一張圖片，是《大時代》中丁蟹在香港交易廣場天台掟仔一幕，更指時間是「7月6日下午5時」。到底《大時代》係咪咁神，1992年已經預知23年後嘅今日會經歷大跌市，個個排住隊上天台？非也，查實係網民神改圖，將原先的「6月7日」改為「7月6日」。
另外，有一些人則發出有人在國際金融中心（IFC）跳樓的改圖，亦有人說「及早離去」，過去曾經每遇跌市，身邊總有一兩個朋友會發《大時代》丁蟹經典cap圖：「不要怕，只是技術性調整，不要怕」已消失不見，反映股民心態已由樂觀變成悲觀及觀望心態。