港交所（388）噚日被暴力洗倉，忠實擁躉紀惠行政總裁湯文亮選擇趁低撈底，喺噚日跌到落232元即時掃入1萬股，涉資232萬，係近月個人首度增持港交所股票。以最後收市價235蚊計算，賬面已經賺約3萬銀。
湯文亮就話自己唔係股票專家，淨係對港交所情有獨鍾，所以先「夠膽落注」，「啱啱買入之後都跌咗幾個價位，不過之後收市升返箒，唔係博佢短時間反彈」。至於之前用千零萬買港交所股票掛鈎票據（ELN），9月底先至到期截數，「未有咁快輸，如果到時跌到250蚊先要接貨」。不過他對港交所前景樂觀，相信毋須要補倉。
湯文亮認為呢排股市有班師回朝味道，但相信震盪唔會及內地股市大，穩陣嘅藍籌認為買得過就會買。而早排高位分批沽港交所賺咗5,000幾萬，湯文亮話俾太太知道咗賺咁多，所以噚日用超過2,000萬買咗個大潭陽明山莊豪宅單位送畀太太。