【升中派位】兒子是智商達150的資優生，喜歡讀書，一目十行，父母毋須擔憂其學業？逆流阿媽何美儀坦言，挑戰只會更大，她的二兒子趙子喧，今年15歲，自幼不善表達，個性衝動，故常與人爭執不斷。她形容過去的湊仔生涯，只用了四個字：「鬥智鬥力」。
子喧原本在直資小學就讀，但遭學校天天投訴，「佢唔鐘意坐定定上堂，好鐘意問野，好鐘意發表意見，呢啲全部係主流學校接受唔到嘅特質。」所以三年班時，她找到鄉師自然學校，一間願意包容「百厭星」的學校。「呢類男仔需要空間，去發掘自己，自由地去認識呢個世界。」每天在學校整河道、做捕鳥器、爬樹、挖泥，後來，兒子從一個畫畫全是黑色的小孩，蛻變成為一個熱愛藝術、喜歡探索科學的小學問家。
子喧後來見到哥哥學校的科學展覽，突然說：「我玩夠了。」主動要轉去老大間國際學校，學習更多科學知識。何美儀說：「我呢個仔好得意，佢生命嘅歷程，好似已經走過咗一個人嘅人生，因為喺佢細個個陣，實在遇到太多挫敗，太多人對他有誤會，但今天他嘅色彩好豐富。」故她十分感激自然學校，從不輕易懲罰學生，而是以公平的生活法庭，讓孩子明白到做人要遵守社會規則，懂得體諒他人。
這個逆流家庭，爸爸是中大社會學教授，媽媽是退休英文老師；老大運動好，二哥智商高，細佬卻是個愛哭的豬仔包，怎麼辦？下集我們再看孻仔的尋學之路。
=============
蘋果動新聞【逆流學校】系列，立即重溫↓↓↓
【逆流學校 1：小學唔補習 浪遊學習得唔得？】
http://bit.ly/1dreljs
【逆流學校 2：唔讀大學冇前途？】
http://bit.ly/1NrafUW
【逆流學校 3：讀書壓力爆煲 深山搵出路】
http://bit.ly/1KqLudM
【 逆流學校 4：「三個仔仔搵學校」之足球小將】
http://bit.ly/1UqcgpR
更多短篇紀錄片，報道環保、社會、舊區、社企等議題： http://green.appledaily.com
尋找不一樣視角即Like【Green-Docs】fb！ http://fb.com/green.appledaily