【本報訊】港股極速急瀉，散戶輸到唉唉聲！本報記者昨早走訪沙田一間證券行，發現雖然擠滿散戶查看報價機的熱鬧情況持續，但有股民對着報價機無奈指「買咗20萬銀，企一陣都要輸1萬銀」。
昨早沙田證券行內「唉」聲四起，當指數由跌300點急瀉至800點，場內即嘩聲四起，有散戶埋怨中央出手太慢，並指「又話七翻身，翻乜鬼嘢身」。
中環證券行在指數跌幅擴大至逾900點時，經紀落盤電話亦越來越多，經紀馮小姐指今早過半數客戶都沽貨；經紀譚先生則指「有客戶驚到唔知點做，十五十六，沽又唔係，買乜又唔知」。不過經紀呂先生則指多客戶撈底，「做到冇停手」，並建議客戶耐心慢慢增持，但一提及港交所（388）就指「𠵱家賭場要散水啦，火燭啦，仲買乜箒」。
■記者林靜、伍詠雯