服務業請人難已經唔算係新聞，好多公司都諗盡辦法搵新血入行。長洲有間B&B（Bed and Breakfast）旅館，前日登咗篇招聘廣告，請人做廚師、侍應等等，竟然講到明「包食包住」，上唔到車嘅人可以諗諗！
呢間旅館話要擴展業務，一次過請緊唔同工種，包括銷售及市場部經理、廚師、清潔及房務員等。而待遇就叫人喜出望外，講到明免費提供住宿，仲有員工膳食、年尾雙糧、大假勞工假，比好多大型快餐店、酒店都吸引。
雖然份工寫住月薪面議，但就算計最低工資時薪32.5元，唔使交租，慳埋交通費同伙食費，分分鐘比好多所謂嘅中產過得哈皮！