股市狂跌，今年股價一度升穿300蚊嘅港交所（388）家陣插穿260蚊，持有70萬股港交所嘅《細價樓爆煲論》作者湯文亮，其持股豈不是被蒸發近3,000萬？
佢就話，實情今年4月接受本報訪問講港交所嗰陣，已講明到價止賺，結果喺290蚊至300蚊分兩批沽貨，沽出一半，以當年平均買入價140蚊計，沽35萬股，賺咗5,000幾萬。
佢認為樓價見頂，唔會套股買樓，但銀紙貶值，佢就拎贏返來筆錢嘅十幾個巴仙，即係千零萬買股票掛鈎票據（ELN），偏偏揀返港交所做掛鈎。
佢話，呢種玩法，港交所升幾多都無得賺，但跌到250蚊就要接貨。咁笨都買？佢回應：「大拿拿成十厘息，跌，咪當平買囉！不過最重要，我認為港交所唔會有事」。