1，阿爺密令，政經兩界的照肺大行動開始，左中右三邊都要照個透。我這個欄可能改名做「頂級照肺」，應景。
2，WhatsApp原來咁正，low tech但足以令建制陣營崩盤。WhatsApp幾時抽水借曾主席賣廣告？唔通，還要睇手機，等埋發叔？
3，政治上的塵粉爆炸，已在建制派中間發生，傷亡人數被西環掩蓋。甩皮甩骨的建制派，面子沒有了，裡子到底是黃、藍抑或黑，冇人知。骨子裏，一個字：豬狗不如。
4，阿爺又試世紀握手了。橋唔怕舊，不過，吃過催淚彈、膜拜過獅子山黃幡的香港仔，打個呵欠，aehe，懶得睬你。
5，梁振英近來無影，董建華比無影更無影，兩個爭住做忍者龜，只有龜無兔的賽道，跑唔成，賭條命。
6，打電話投訴警司打人，都會被檢控的今天，你心情頹喪地去荔園擲階磚，係囉，荔園那些年，那些在龍獅旗下收黑錢的警察敗類，都無暗角「七俠五義」咁「震撼」。光明磊落？曾主席金句修正版：講吓笑，都作嘔！