千億新抱徐子淇同恒基二少李家誠育有兩女一子，婚後密密造人嘅子淇，今年再度懷孕，年尾就會為李家誕下第四胎。最近子淇頻頻上Instagram，前幾日佢就影咗張大宅嘅花園靚景相，歐陸式三層噴水池同自家種嘅檸檬樹，認真架勢！
昨日子淇就大晒親子樂，趁陽光普照，佢同老公李家誠就陪三個小朋友出去打棒球，子淇仲喺ig留言話：「Daddy teaching kids how to play baseball. Mummy has grass in her hair.（爸爸教小孩打捧球，媽媽頭髮上有草。）」子淇揸機自拍，只係露出半邊面，而背景就係一片超級無敵大草原，見到李家誠同幾個小朋友玩得好開心，而子淇嘅頭髮上面．．．真係黐咗好多草喎！