政府即將為位於司徒拔道45號嘅法定古蹟景賢里舉行首輪公眾開放日，免費畀市民參觀呢座紅牆綠瓦，香港幾近碩果僅存嘅特色歷史建築物。
公眾開放日喺本月25、26日及8月22、23日舉行，每日有4節參觀時段，市民可以喺嚟緊嘅星期六同日（11同12日）去到香港文物探知館、香港公園茶具文物館以及香港文化博物館索取入場券。4天開放日會派1.44萬張入場券，每名市民限取其中一節、最多4張入場券，先到先得，派完即止。如果入場券未能全數派出，有剩嘅會喺本月13日起喺香港文物探知館繼續派發。景賢里不設泊車設施；開放日詳情可以瀏覽發展局文物保育網頁 http://www.heritage.gov.hk ，或致電2848 6230查詢。