一年一度書展下個禮拜三（15日）殺到，費清除咗鍾意買嘢，都好鍾意買書，補充番啲文化修養嘛。費清支持本地消費，同樣支持本土獨立出版社，文化會社、生活書房、AMONEY同四方媒體幾間本土出版社，今年齊齊參展，8折賣書，希望書迷支持本土出版。
講到費清最愛就係湯禎兆嘅《AV現場 復刻新版》，講起日本AV，陪住唔少港男成長，呢本書剖析日本援交文化、人妻風潮，以至AV文化輸出引起嘅外交爭議。研究完本書再睇AV，都覺得自己睇得有深度咗，睇到AV真正內涵。
其中一本叫《阿信彈起 香港贏在夠靈活》好地道，咪係講759老闆林偉駿嘅傳奇故事，探討佢點樣由「廠佬」變零售天王。
費清係蘋果生活講鳩嗚都講咗大半年，受制紙媒框框，有時都唔夠位暢所欲言，趁《蘋果生活》因版面調動今日最終回，費清會繼續喺網上同大家鳩嗚乜乜乜。
＃要生計，也要生活 ＃毋忘初衷
費清