最近忙透了，旅遊節目後期製作跟自己的個人著作同時間「出街」，趕得我連跟超儀同行的歐洲之旅，也被迫在出發前一天取消了：「對唔住呀媽媽（超儀的花名），我真係忙到走唔甩呀！全世界，呀，唔係，應該話係有兩個世界嘅人等着我做後期，如果我咁不了了之走咗去玩去遊埠，真係會好衰仔㗎！」「我梗係明啦，唔使內疚喎，等你做完晒嘢，我哋再玩過！」「太好了，多謝你明白！」「講呢啲！」「嘻嘻！」
杜家的校對秘方
取消機票後，突然心頭一鬆，之後，小妺便向各兩個單位，公開這「喜訊」：「各位大佬，我決定唔去歐遊了！這段時間我會一直在香港，等候你們的發落！兩個世界的製作團隊都高興莫名，但最高興的竟然是我的母親大人：「咁咪好囉，為工作而放棄假期，你終於大個女啦！」於是，出版社的大軍首先殺到：「嗱，Helen，呢度係全書的修訂版，你𠵱家可以逐篇逐篇再改過編過，不過時間無多，deadline是後日！」「後日？」「你得嘅！」「我唔係唔得，不過唔好咁趕得唔得？」「Helen，真係死期嚟㗎，要攞落廠印啦！」「OMG！唉，成200幾頁紙喎，我仲要今晚先收到，即是得番一日半時間做校對！」
小妺當時不能不出我杜家的校對獨門秘方：「快、狠、準！」（這是爸媽傳給我的優良因子，我也算食過吓夜粥！）結果，不用兩天，我已將全本書重新再編過和再改過！人實在在於嘗試，不要一開口就打退堂鼓，試咗先啦，可能搞得掂呢！（這是Michael Jordan教我的！）好了，書算是趕起了，只剩下封面設計這不大關我事的部份，但我也要決策用哪個及封面用的顏色！好，連這一步都跨過了，新書製作總算完成了，但工作還是沒完沒了！
內分泌失調為止
TVB製作後期的兩位勞苦功高的導演及對我相當貼心的PA們，突然發下12道金牌，召我回公司收全新旅遊節目《東京攻略》的VO，我即時心想：「死期一浪接一浪！」又到了睇片、改片及錄VO的時間了！這次的後期製作真是趕得要命，平時至少預一個月來做後期，哼！現在只得兩星期就正式播出了，10集只錄得4集，還有6集，要在一邊播放時一邊做後期，使唔使咁趕呀？簡直就要將我體內的內分泌搞到失調為止！忽發奇想：「從前做《流行東京》都是一邊拍，然後在酒店內做後期，做到翌朝就立即寄帶回公司的，所以我已經很習慣這種形式去工作，但可能TVB有規有條，不太容許一個節目邊收VO，邊播出街，他們便額外緊張，所以最近做了「應召女郎」一樣，隨傳隨到，快過call的士！「唔好意思呀如風，後日就要你返嚟走一轉！」「冇關係，大家都係為個節目好箒，辛苦晒你哋日趕夜趕先啱！」「今次又怕唔怕被人插到上天呀？」「唔怕，預咗啦！我都唔上心嘅，反而自己好期待今次啲人會插我啲乜嘢，你哋都知啲觀眾幾咁creative㗎啦！」
風人院
撰文：杜如風
旅遊節目：《流行東京1,2》阿四，《風行全世界1-5》幕後黑手，《流行首爾》 眾矢之的。著作：《風行系列1-7》
本欄逢周日刊登
