灣仔藍屋香港故事館館長阿Him身兼多職，既是足球員又是一名藝術家，他認同阿詩推廣的「18種香港」，覺得18區內確實存在一些大家都忽略了的人和事，他說：「呢啲人同事確係存在，阿詩的『18種香港』可以喚起大家留意番，至少可以畀人知道，作為一種記錄。」
阿Him覺得整個構思很中性，不會像旅遊節目只拍攝片面的東西，他說：「我覺得阿詩以第一身拍，一定會有佢自己嘅感受。最大嘅作用係可以做到一個社區連結到另一個社區。」阿Him認為很多區已經沒有了從前的「性格」，他說：「社區就好似一個人，有自己個性。灣仔區會係一個識英文但又着唐裝嘅中年人，因為灣仔裏面有舊區又有商業區，新嘅有金紫荊（廣場）。阿詩嘅計劃或者可以發掘番各區嘅個性出嚟。阿詩亦都好用心，佢已經嚟過（藍屋）幾次做資料搜集，周圍同人傾偈，拉闊咗市民對藝人嘅想像。」