練馬師蔡約翰最近連續六期賽事有進賬，今期為大家揭開蔡廐爭冠兩大招數，就係專搏王牌及新勝馬。
其中近四次賽事八匹蔡廐王牌馬，統統不勝有位，總成績三冠一亞四季，當中包括剛戰「勁福星」及「鑽之友」分別跑第一及第三。
周日(5日)蔡廐一對王牌馬分別為「現代財星」及「劍飛聲」，前駒上周末搏失後，相隔一周匆匆再跑，翻查今季蔡廐六駒上名後咁快又跑，當中五駒繼續上名，睇部署想乘勇再拼。
至於第十一場「劍飛聲」續配羅理雅，騎練二月至今合作七匹王牌馬，取得三勝三位佳績，包括剛戰攜手贏「勁福星」，忠心準繩分子值得重視。
此外，蔡廐近四匹勝後再出馬均不勝有位，「澳斯卡」及「首飾太陽」更贏完再贏。第十場二班2000米，蔡廐安排一對新勝馬「安荃」及「紅駿」雙龍出海，前駒更因雷神停賽而起用潘頓，既然季內蔡廐唯一由潘頓接手之「戰利品」初騎即贏，「安荃」計配搭實砌。