高登討論區多年前改革，分設唔同主題嘅站台，但主打嘅吹水台仲係最多巴打聚腳嘅地方，咁後生仔血氣方剛，難免有時貼下AV Link 、甜相、又或者講吓日本女優咁，當然冇人想做「烈士」貼露點相被「bam」，但仍有巴打絲打話吹水台搞到咁多成人貼唔係幾好，建議高登Admin開個成人台。
巴打噓爆
咁高登Admin又真係「從善如流」，早排真係靜雞雞開咗個成人台！
但一眾巴打咪開心住，高登Admin出咗公告，話明「成人台」可以討論18歲以上巴打先啱傾題目，但「並非鼓勵分享色情或暴力媒體內容」，所以一定唔畀貼任何裸露、惡心或令人不安嘅相，即係話貼露點相會照「bam」！唔怪得巴打噓聲四起，話鹹網原來唔鹹，唔通真係要巴打喺成人台討論成人車票咩！