近年書展寫真已不讓𡃁模拋胸賣肉專美，男神王宗堯今年都加入男子組混戰，力拼周秀娜舊愛陳偉成（Avis）孖男模的爆肌寫真。王宗堯處男相集叫《我都係香港人》，顧名思義是以香港人角度出發，他透過鏡頭拍下港人港事珍貴畫面，當中少不了佔中的歷史一刻。王宗堯偏偏沒有騷肌誘粉絲，他說：「呢方面我鬥唔過Avis，佢出道都好大隻，我賣文青算啦，我相集啲相係我親手影，其中文字係我親手寫出對香港嘅感受。」
熱愛健身的Avis希望把健康訊息帶出，所以特別與男模Jeremy、Wilson和Henry一齊推出《動起來》，示範做gym的簡易動作，同時又分享瘦身餐單，Avis說：「大家跟住做，男女都可以輕鬆練出腹肌同人魚線。」