今年7.1遊行人數大減，自然影響團體籌款數字，八方聽聞大部份政黨收到嘅捐款同個股市一樣大跌，連「吸金王」學民思潮都唔例外，只有公民黨逆市上升。
今年學民思潮籌到54萬，較去年131萬大幅減少，學民前年籌到72萬，今年明顯差好多。而民主黨今年只係籌到約16萬，較上年約20萬少咗4萬；公民黨可能因為佢推出雨傘產品關係，埋單計數籌到43.5萬元，比去年41萬略多2.5萬。社民連同民陣則分別籌到35萬元同24.8萬，比上次93萬同44萬少咗好多，而人力籌到21萬，亦比上年42萬減少一截。
法政匯思籌15萬
另一團體法政匯思今年首度喺7.1擺街站，賣tote bag同政治入門書《看圖識治》，現場消息話市民反應唔錯，截數共有約15萬元收入，呢個數未扣除成本同其他開支，賣紀念品係為「雨傘援助基金」籌款。