關仁隱事:「麗麗」「思思」爭仔反面 - 關仁

關仁隱事:「麗麗」「思思」爭仔反面 - 關仁

女藝人入得娛樂圈,除咗想大紅大紫,都希望搵到個好歸宿。見到有錢又靚仔嘅才俊,佢哋睇中目標都會主動出擊,當然仲會施展投懷送抱呢一招!電視圈過氣女藝人「思思」同模特兒「麗麗」都係行內出名鍾意四出「搵食」嘅圈中人,麗麗不嬲都有好多uncle照顧,所以細細個已有樓揸手,仲細屋換大屋。有次佢哋喺一個活動上識到個有錢仔,即刻抄牌交換電話,思思同麗麗分別以電話攻勢希望進取攞分,但點知適得其反,就係咁嚇怕咗人,爭食爭到最後連朋友都冇得做。
撰文:關仁