視鼓如命的恭碩良，兩年多前因為手腕骨移位而被迫停止打鼓。早前樂隊Mr.成員Tom亦受此病困擾，Jun就謂：「打鼓真係幾勞損，但外面啲人唔會知，有時真係要咬實牙關咁捱過去。」經過兩年物理治療，現時雙手康復了八成，但卻令Jun萌起高懸鼓棍的念頭：「係咪去到60歲都繼續幫人打鼓？雖然我好鍾意打，但唔想打鼓係我唯一可以賺錢嘅嘢。」
雖然一度打算放棄，但始終放不下至愛，Jun說：「𠵱家隻手好番好多，所以又手痕，之前都有同Paco（黃柏高）講過想再打吓，嚟緊暑假就會有tour，一半係自己嘅，一半係幫人打。」他又透露明年將會為女友林憶蓮演出：「Slam下年都會有tour，今年佢會先忙自己嘅專輯，我希望佢搵返佢想合作嘅人去合作，呢個係做專輯最好玩嘅地方，亦係我哋畀對方嘅自由。」