【本報訊】荔園上周開幕後吸引大批市民進場，但其中受不少家長與小朋友歡迎的「恐龍屋」瀡滑梯，近日就發生意外，有女子抱着不足3歲的小童玩滑梯時撞到梯邊，小童的面部及耳朵均擦傷，片段放上網後引起熱議。有網民批評荔園要負責，亦有網民批評出事責任在該女子身上。
荔園：坐正瀡絕無問題
恐龍屋的瀡滑梯每玩一次要4個代幣，相當於港幣40元，被不少網民質疑「搵笨」，但每日仍有大批入場市民排隊玩。近日網上流傳一段7秒長短片，片中女子抱着小童玩恐龍滑梯，疑因下滑速度太快，女子在轉彎時身體傾側，小童的面部撞向滑梯邊受傷。片中小童的媽媽在facebook投訴，當時工作人員指其兒子年紀小，要有大人陪同，她才叫胞妹抱住兒子玩。小童媽媽指意外後，職員帶她們到最近的救護站，但沒有開放，需往另一個距離500米的救護站。她指荔園想推卸責任，「叫你簽份嘢，話你自己自願冇事走人，我冇簽」。她稱曾問職員如何跟進，職員只叫留下電話，「如果唔係趕住食飯，我會報警！我唔想有下一個受害」。
荔園發言人表示，該設施有過千人玩過，玩之前職員提醒要坐正，若姿勢正確絕不會有問題。他強調樂園的設施均貼有告示，說明身高及年齡限制，「滑稽恐龍屋」不適合3歲以下小童使用，但可由成人陪同；今次事件後已收緊規定，3歲以下小童不能使用該設施，亦不准成人抱着兒童玩。他又稱當事人在救護站簽的並非免責聲明。
■記者黃偉駿
識睇睇留言
doraCATS：
其實真係好呃錢，都唔知點解要去玩！
Yan Yan：
嗰條滑梯的確有問題，唔夠潤滑度，大人同小朋友都好容易受傷，所以玩之前要睇清楚。
Ck Choi：
趕住食飯，真係擔心個仔會唔會咁講呀！
江隨雲：
自己話會睇實細路，睇片明明係佢自己撞埋去整到BB受傷，點解仲要不滿呢？
Karen Chan：
唔玩就唔會有事！！！
資料來源：《蘋果日報》網站留言