周日沙田八草三泥賽事，草地用A加3跑道，睇番最近6月7日同一移欄賽事，雖然有「歡樂一生」及「人強馬勇」守貼欄包廂位贏馬，不過後追馬絕對唔蝕底，好似「太陽喜喜」、「當代沙皇」、「贏男」及「車神」都係沿途守在有遮擋位置留力，直路從中後叠衝上反先對手勝出，所以不宜過份側重前置馬。今戰列陣馬中，第六場「綫路財星」及第十場「勁趣」上仗正是於6月7日田A加3欄居中後上入Q，等番同一移欄再跑，當然想贏馬補中。
至於泥地方面，剛戰三匹泥地頭馬「帶運伯樂」、「勁勇威龍」及「準備就緒」都係守前四位入直路建功，所以第五場「現代財星」、第八場「大把世界」及尾場「海紅寶」等擅跑泥地之前置馬可優先留意。