恒生（011）公關阿頭張樹槐（水哥）對於做善事一向好畀面，今次佢真係畀咗塊面出嚟，畫上「CH 12Hrs」呢幾個字，呢個密碼究竟有乜含意？
原來水哥係應苗圃邀請，參加今年11月1日在港舉行嘅42公里馬拉松賽事，由油塘三家村出發跑到去大埔，中間經過毅行者必經嘅麥理浩徑，預計需時12個鐘，對於參賽者嚟講係挑戰（Challenge），所以係「CH 12Hrs」。
水哥仲要拍段片tag咗3位恒生同事放上facebook，佢哋可以選擇畀面（喺塊面上寫CH 12H）、畀錢（捐款最少200元）或比賽，同之前冰桶挑戰個玩法有啲似。
今次馬拉松對於身經百戰嘅水哥嚟講可謂濕濕碎，所以佢又參賽又畀面，籌到嘅錢，佢想幫內地西部嘅學生哥延續讀書夢，齊齊上大學讀書。