𠵱家餐飲競爭劇烈，走平民路線嘅麥當勞都要搞新意思，搶奪好似費清呢啲年輕客群；下個禮拜二喺禮頓中心同又一城兩間麥記，會推出全新「滋味．任你創Create Your Taste（CYT）」漢堡。
#28款配料任配搭
麥記副總裁施藹茵噚日拉住費清CYT（唔係DIY）。佢話全新碳燒安格斯牛肉漢堡，利用自助點餐機，28款配料任你配搭，打造獨一無二漢堡，單賣基本價45蚊，加薯條飲品套餐就59蚊起。想多啲料就畀多啲錢。費清喺自助點餐機係咁篤，反傳統走包，軟包、甜包都唔要，改用生菜包，夠性格；安格斯牛肉就冇得揀；4款芝士選一，5款番茄、辣椒仔等配菜同10款汁醬，全部點晒唔加錢。加特料飲品盛惠$96.2，好肉赤。費清第一次享受麥記送餐服務，個菜包幾fresh，塊扒幾juicy。
＃要生計，也要生活 ＃毋忘初衷
費清