【壹週刊】綽號田雞東的元朗猛人，元朗厦村鄉鄉事委員會主席鄧勵東，一向十分低調，今次破天荒接受本刊訪問，暢談他的江湖路。
江湖中人經常稱鄧勵東為田雞東，他爽快地說出花名由來：「以前好多水塘，一跳落去就游，出水就跳，我又叫阿東，咪叫田雞東囉，即係坐唔定個隻呀！」
不過一提到「大佬」二字，他即刻緊張起來說：「喂，你唔好亂講呀！」他指外界稱他做大佬，只係大家見他平日經常抱打不平，所以先有呢個稱呼啫，「你去打聽下我為人，我有無用咩嗱喳手段，或者欺善怕惡，又或者蝦蝦霸霸既行為，呢啲呃唔到人架嘛。好多大佬呃d細去死，去搵著數俾自己，你問下人，我有無咁做？」
記者請他分享一些江湖故事，他皺一皺眉頭，之後嘴角微笑道：「我呢啲野都唔記既，你明唔明呀？幫人都成日記住，唔通想人回報咩？咁無形中會有壓力，個心咪唔舒服。」他又突然說：「我地去到邊到都無禁區既，係咪？」鄧所說的「無禁區」是指他相交滿江湖，總之無敵人仇家。
至於何時退休，反正就快弄孫為樂，他即刻抬頭拍心口說：「冇架，我地唔認老架，我地呢啲就算有飛仔行埋黎串我，我都會中佢架！點可以認老呢？唔得架！」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/