【本報訊】香港社會往往荒謬成真。平面設計師余先生前夜趕製「殺人放火金腰帶」示威道具，諷刺七警毆打示威者仍可坐享薪金福利，但昨晨就驚悉前一哥曾偉雄獲頒特區政府第二高榮譽金紫荊勳章，猶如「指揮鎮壓金勳章」。他說：「我覺得好嬲，我哋仲疑惑緊你咁做係咪啱？87枚催淚彈係咪應該放？但你已經攞咗獎。咁即係以後冇仇報。」
警民關係進一步變差
余先生每年7.1製作示威道具，今年描繪打人警察回頭奸笑卡通，諷刺七警仍享高薪厚職，「佢哋冇責任需要負番，可以繼續𢭃好高人工，住佢哋嘅宿舍，享受佢哋嘅公務員福利。我覺得佢哋好似幫政府殺人放火，自己就冇需要負責，仲有好處」。他坦言社會對警方濫權仍有很多疑問，例如近期多宗示威者被捕後無罪釋放案件，但警方從未交代。
政府昨日公佈曾偉雄與多位處理佔中警隊高層獲授勳章，余先生指決定授勳的特首梁振英沒有考慮民意，很多市民在佔領行動被警察打至血流披面，政府讚揚施暴者只會進一步令警民關係變差，又指公眾對警察評價，已退步至上世紀60、70年代「警察靠得住，豬乸會上樹」。
■記者潘柏林
七一大遊行：
http://71.appledaily.com