有電台前晚突然「爆料」，指《蘋果日報》很快不再出版實體報紙，全面轉為網媒，集團名稱更會改為「Next Digital」。《壹錘定音》主持李慧玲分析，如果熟知香港政治形勢，便知道《蘋果》在可見將來不可能全面放棄實體報章：「肥佬黎又唔係建制派議員，點會豬咁蠢，做啲豬咁嘅嘢！」
慧玲指出，全世界的傳媒都朝著網絡世界進發，《蘋果日報》未來有可能會傾斜網媒，也有可能減少報章出版數目，但全面放棄出版實體報紙就不可能。「如果《蘋果日報》唔出實體報紙，邊個最開心我就唔講喇，但其中一個最唔開心嘅一定係《蘋果》記者，因為特區政府以後就大條道理封殺《蘋果》，唔接受《蘋果》記者採訪。」
根據特區政府現行做法，大小記者會一律只接受傳統傳媒採訪，即報紙、雜誌、電台和電視。慧玲指，同時有營運網站的傳統媒體當然會獲接納；但如果只做網媒，政府將不會接納，因為當局稱網上世界太大，無法界定何者為網媒，或誰是公民記者。「換言之，政府開記者會，網媒係入唔到去。政府嘅做法大家可以質疑，但始終係現實，如果《蘋果日報》?牲自己來嚟挑戰佢，恕我直言係唔符合公眾利益。」
前明報董事局主席于品海最近由內地重返香港，招兵買馬再次進軍傳媒界，名稱據悉為「自由人報」。最初坊間流傳「自由人報」只辦網媒，但最新說法是，該媒體亦有印刷部份。慧玲相信原因之一，是如果今日在香港只做網媒，記者採訪更困難，影響力亦有所局限。
黎智英昨參與7.1遊行時三度否認放棄紙媒的傳聞，更稱紙媒「冇咁快死晒嘅！」壹傳媒平面媒體行政總裁兼《蘋果日報》社長葉一堅亦指消息「九唔搭八」。慧玲補充，指《蘋果》不再出版實體報紙的報道，是引述《蘋果》一個內部的每日例會內容，「會議我冇開，但睇睇會議紀錄，都唔係咁講！」