昨日7.1大遊行，何韻詩與黃耀明以《大愛同盟》成員身份參與，阿詩出發前已在facebook貼文提醒香港人：「除非你對香港政府滿意指數已爆錶，覺得現時嘅香港已經係你心目中嘅美好新世界。如果唔係，七一，香港人仍是要走出來的。管他有用無用。」
阿詩與明哥昨日下午3時隨大隊出發，約5時抵達《大愛同盟》位於灣仔街站，明哥拿着善款箱不斷呼籲途人捐款，陳志全（慢必）則在旁不斷揮動《大愛同盟》紅色旗幟。阿詩則自爆沿途被人指罵：「我啱啱俾人鬧，但冇所謂啦！鬧兩句又唔會冇咗忽肉。」
阿詩受訪時笑說：「其實我唔確定佢知唔知我係邊個，可能佢覺得我嘅氣場係佢嘅反方，所以一輪嘴鬧我。」阿詩又嘆謂：「社會就係咁分裂，好極端，一係唔出聲，一係好大聲咁發聲。」
新書記錄自己變化
問阿詩今年的遊行訴求是甚麼？她說：「我哋咁多年嘅訴求都冇乜進展，要爭取民主、爭取平權。因為冇民主，邊有平權？」美國早前宣佈同性婚姻合法化，阿詩直指這個消息令人振奮，絕對是這個時代爭取平權的指標，但阿詩相信香港要同性合法是遙遙無期，她又批評政府：「政府咁多年，唔想做嘅佢就唔做，要做嘅又避免去做，咁樣係好唔應該。」
此外，阿詩今年會在書展推出新書《就這樣認識了》，她說：「新書內容集合咗我喺報紙寫嘅嘢，除咗記錄咗香港喺雨傘運動嘅前後，仲記錄咗我自己嘅變化，由大公司到𠵱家做獨立歌手。」至於工作方面，阿詩說上周已開始了為其半年的「十八區香港」活動，期間會到不同大街小巷地方巡迴演出。
採訪：盧妹
攝影：陳慧安
七一大遊行：
http://71.appledaily.com