被稱為神車的中車6月8日上市，唔少內地股民借孖展瞓身買入。但中車上市後，A股股價不足一個月已經腰斬，無數人傾家蕩產。之前已經有一位長沙股民，因炒燶中車跳樓自殺；喺禮拜一，再有一位廣州女股民，發微博話要向網友告別，據聞廣州公安已勸服佢。噚日中車再插水7%，將來仲要死幾多人？
呢位女股民的微博名為「愛南沙群島」，一路有記載心路歷程。喺6月8日，佢話中車是國家驕傲。但好景不長，之後全部是悔恨、絕望、淚流字眼。微博披露，佢本金用咗65萬元，孖展借45萬元買中車，之後仲補咗10萬元孖展，而家一無所有。
喺6月17日，佢微博話應承仔仔不會自殺，但之後篇篇微博都流露死意。凡係借孖展炒股的股民，筆者建議瀏覽一下呢個微博。
黃尹華