《未來戰士：創世智能》（Terminator：Genisys）係呢個系列嘅第5集，阿諾舒華辛力加（Arnold Schwarzenegger）回歸演出，一班忠實影迷自然份外期待。韓星李秉憲新一集加入演水銀機械人T-1000，要奉命追殺艾美莉克拉克（Emilia Clarke）飾演嘅莎拉，但佢全片只得一句對白。由於時空發生混亂，今集用電腦特效安排兩個阿諾扮演嘅T-800同場大戰，而白髮版阿諾於其中一個時空中被改寫程式救咗細個嘅莎拉，仲自小訓練佢兼建立出父女情。另一要角卡爾雷斯，今次返去1984年阻止莎拉被殺，兩人更共度患難，搞到阿諾扮演嘅T-800狂呷外父醋，不時單打卡爾，引爆笑位。今集最特別之處，係一直被視為救世主嘅約翰康納變咗做奸角，佢意外被天網使計成強大嘅T-3000機械人，但最後都係與T-800同歸於盡。順帶一提，片尾字幕後會有隱藏片段，擺明為添食留伏線。
撰文：多雪花