【本報訊】西洋菜街2000年開始轉為行人專用區，繼而變成街頭藝術集中地；又由「年中無休」，變為只供周六日公眾假期開放，曾經與拍檔唱足5晚的何均庭，見證變化，「點變都好，最唔希望變咗戰場，唱咗咁多年，成條街啲人熟晒，好多人本身有工作，以前放工嚟唱，𠵱家放假嚟唱，都係因為鍾意音樂」。
除了何均庭，還有在錄音室工作的街頭歌手湯焯帆，終日在四面牆之下埋首創作，他說最愛行人專用區的熱烈氣氛，感受現場觀眾的反應和掌聲，樂在其中，「呢度咁多檔，有時真係嘈到聽唔到啲音樂聲，但論氣氛，就無可取代」。他說：「講真，啲人話趕大媽，都唔會話針對我哋，但我覺得，每個人都有自由，百花齊放係好事」。
除了重拾夾band情懷的歌手，還有經營即影即有攝影攤檔的De哥，他說：「呢度我係新丁，以前聽講有十幾檔，𠵱家走剩4、5檔」。
■記者呂麗嬋