巫斯義這天第二場贏「無敵劍俠」，正好慶祝自己下季前途有着落，巫斯義早前不申請下季香港騎師牌照，他告知馬會他決定於本季結束後返回歐洲，繼續其策騎事業，以及為其賽馬事業下一階段作更長遠打算，並有意成為一位練馬師。但原來巫斯義暗渡陳滄，希望泊文家良碼頭。
據知文家良將會聘請巫斯義為馬房主帥，策騎四個月，由今年九月至十二月，若馬主不願意由他策騎，亦可安排由其他騎師跟進。每位馬主每月將會由馬會額外收費2000元，用作騎師租住及交通費用等開支。文廐目前養馬56匹左右，若所有馬主贊成，每月將有11.2萬元用於巫斯義身上，當然一切申請要待馬會批准，不能單看巫斯義與文家良的意願。
回說「無敵劍俠」，雷神開始停賽兩期，果然大把寶藏益下家，今期輪到老將巫斯義受惠。
阿巫今日頭場搏輸姚廐「平民百勝」得第三，但第二場五班千四米，接手上仗由雷神跑第四之苗禮德馬房之「無敵劍俠」，七檔起步沿途留放一絕，直路順勢抽出外叠一衝過晒，就咁爆出9.9倍win，幫呢匹苗廐馬打開今季勝門，亦為阿巫連續贏到第四次賽事。
呢場大熱係「威祥」，慣性留前鬥後，不過衝得唔夠行，畀半冷門「仁愛之友」搶去連贏配腳，「威祥」只跑第三，後駒配潘頓七次三W三P，人馬合拍，第四名「太陽辰」，四重彩8,992元。全場四隻落飛馬「旅遊大師」、「電訊太子」、「太陽辰」及「齊齊歡欣」統統三甲不入，輸到落飛黨癱癱腰！