一年容易又7.1。噚日天朗氣清，唔少人趁住否決政改後首個大型發聲機會，齊齊上街遊行表態，話明要繼續爭取真普選，唔可以畀班甩轆建制派玩晒。而《蘋果》歷年7.1都同市民同行，今年絕對唔會學嗰班建制派咁玩離場；噚日隨報附送尊子7.1遊行海報，用建制派WhatsApp外洩風波為點子，表明續爭民主心志，仲派員喺維園免費派發，唔少市民攞到都發出會心微笑。
八方一早去到維園，就見到副社長張劍虹已經到場等候出發，連佢都忍唔住攞起《蘋果》嘅海報以示支持。張副社都話呀，派海報嘅人員好有活力、態度又好，佢都見到市民踴躍索取海報。