香港回歸18周年，建制派本應一副喜慶感恩樣子，但新民黨主席葉劉淑儀仍對英國有無盡思念。話說佢朝早出席回歸升旗儀式同酒會後，一個人去酒店嘆早餐，港女食嘢影相呃like是常識，於是葉劉上載咗一隻半生熟蛋嘅相（圖），然後留言話每逢食半生熟蛋，都會令佢諗番喺蘇格蘭讀書嘅日子，因為冇錢，惟有食兩隻半生熟蛋醫肚，讚英國人對於食得好講究，要用蛋盅、灑鹽慢慢嘆，彈香港即食文化主導，食肆多數迎合港人同內地客口味，要喺中區酒店先能夠緬懷英國。
有網民寸爆葉劉：「喺7.1回歸這大好日子忽然懷念舊宗主國食物？」、「我大中華有三色蒸蛋、豆角炒蛋、韭黃煎蛋，你竟鍾情於毫無飲食文化的白皮豬半生熟蛋？」