【本報訊】有82年歷史陸羽茶室的一代茶王陳大炎，上周病逝，享年87歲。有陸羽夥計表示對茶王過身感到可惜，又稱茶王近年身體日差，還經常到茶室打點，對夥計很好。與陸羽茶室同齡的老顧客韋基舜大讚陳大炎「好好人」。
記者昨晚致電陸羽查詢陳大炎死訊，夥計表示陳上周病逝，「佢年紀大，身體唔好，冇辦法啦，大家都感到可惜」。他說，暫未知陳大殮日期。
陸羽茶室1933年由茶樓經理李熾南及銀號東主助手馬超萬創立，早期設於永吉街，粵劇名伶靚次伯、國畫大師張大千是常客。1975年永吉街重建需另覓地方開業，中華廠商會前主席王寬誠，找來20多位經常在陸羽打躉聚腳的富豪幫忙「夾股」，月租4萬元租用現址士丹利街，營運至今。當時每人限買10萬股，1元1股，故此陸羽股東的股權相當分散，無人能「話晒事」。
負責嚴控茶葉質素
現時陸羽每年5月開股東大會一次，董事局的董事長是新世界發展創辦人冼為堅，而日常行政授權陳大炎負責。陳大炎也是股東之一，亦負責嚴控陸羽茶葉質素，堪稱陸羽一代茶王。陳大炎年事已高，除了陸羽每次購入新茶葉由他親自試味，平時由兒子陳定漢打理。
陳定漢於前年陸羽80周年接受本報訪問時表示，「陸羽會將茶葉起碼儲起15年先奉客，並由師傅負責混茶。我哋啲茶葉唔係最頂級，但以茶樓嚟講肯定稱冠」。
老顧客韋基舜昨獲悉陳大炎過身欷歔說，「我識得佢，來到茶室大家有打招呼，人到咗80幾歲，身體越嚟越差，冇辦法啦，最重要係安樂咁去」。他說，以前經常到陸羽嘆茶，近幾年身體差少去了，「最鍾意陸羽嘅白牡丹」。
■記者蔡朗清