上星期有市民發現，有神秘人喺鬧市掛起多幅「普選殺手」嘅橫額，指摘泛民及醫學界梁家騮等28位立法會議員否決政改方案，有熱心市民目擊經過，仲影低兩部懷疑接走神秘人嘅車輛車牌。
不過，其中一位車主盧女士噚日致電《蘋果》大嘆無辜，話俾網民點錯相。佢話當日佢囝囝同朋友去附近睇戲，將部車泊咗喺路邊，可能因為咁啱泊喺條「普選殺手」橫額附近，結果被誤會以為佢哋有份掛橫額。盧女士話，佢哋一家一向政治中立，囝囝做地產中介，並冇參與政治活動。報道刊出後，唔少親戚朋友都打畀佢問乜事，令佢同家人好困擾。八方喺度代同事向盧女士講聲抱歉。