咸姆頓同前女友妮歌都分咗手幾個月，噚日係妮歌37歲生日，咸仔好似餘情未了咁，喺instagram寫咗大篇嘢祝妮歌生日快樂（下圖），話好多謝妮歌以前陪佢嘅日子，全部都係珍貴回憶咁。
不過，妮歌真係睬佢都儍，有傳媒影到妮歌同踢緊奧林比亞高斯嘅23歲瑞士國腳卡沙米喺希臘甜蜜慶祝，見到妮歌戴對兔耳仔、着住比堅尼，同卡沙米忘情激吻，咸仔都係專心賽車啦！
