聯想控股（3396）噚日首日掛牌遇上中港股市大插水，股價只係輕微潛水，算係萬幸，董事長柳傳志嘅心情亦非常好，最難得係柳傳志太太龔國興與兒子柳林罕有咁一齊現身上市儀式，只欠女兒柳青，就有一張全家福了。大家一直只係認識由高盛轉去滴滴打車當舵手嘅柳青，柳林相對低調；其實兩位都係高材生，分別喺美國哈佛同美國哥倫比亞大學獲得碩士學位，聞說柳林係做投資相關工作。柳傳志之前接受訪問時提到一對子女都讚不絕口，指佢哋人品好。