花旗香港出現高層人事變動。主管零售銀行產品業務嘅伍燕儀（Angel），好多年前離開咗花旗，舊年8月回巢，唔夠一年時間，就被委任為香港區零售銀行部總經理，仕途暢順到不得了。
Angel喺滙豐展開賓架生涯，1998年轉去花旗做客戶市務部主管，又管過財富管理同信用卡業務，之後佢先後去咗寶潔（P&G）同中電（002）做品牌推廣，舊年回巢花旗，搭上白金升降機。
咁啱得咁蹺，花旗行長盧韋柏（Weber）之前都做過P&G，又做過個零售銀行部總經理，條career path都幾似，據聞兩位其實friend底，唔知Angel下一步係咪做行長呢？
原本係零售銀行主管嘅林鈺華（Christine），就升咗上去做亞太區營運及科技部主管，負責科技基建同埋整app，仍駐紮香港。