韓國「長腿Oppa」李敏鎬多次被傳出將於今年下半年或明年入伍，雖然未有確實消息，但Oppa都把握時間狂接騷兼拍廣告，實行要搵錢搵到入伍一刻。近日李敏鎬又有新內地代言飲料廣告見街，只見Oppa換上一頭清爽短髮，除了在鏡頭前做出一貫冧女小動作包括：單眼及咬唇，兼講普通話吸客外，李敏鎬更在鏡頭前大展好身手，腳踏滑板、吊威也由高處「飛」落地，認真出樣又出力。