中證監，你這不是調整股市，是在調整人口！滬綜指昨午一度再冧近8%，中證監緊急發微博撐市，話孖展仲有空間。
但輸到喊的內地股民並不領情，到昨晚7點，呢條微博已有逾萬個留言，全部狂鬧中證監。主席肖鋼成為箭靶，最多留言要求肖鋼引咎辭職，甚至有人呼籲要雙規肖鋼。
話說上個禮拜A股已經由高位調整20%，內地股民眼淚心裏流，據稱唔少人喺天台徘徊；到上周六人行央媽出手救市，有股民話感動到喊，話將挽救無數家庭；但昨日托市無效，股市變哭市，由頭喊到落尾。哭到無話說，齊齊上天台吧！
有網民話，希臘出事令全球股市震盪，但6月起A股大上大落，平均每日波幅超過3%，仲chok過希臘股市，這是何解？絕對是人禍！
黃尹華