聽日就係7.1遊行，監警會主席郭琳廣噚日透露，監警會委員會一如過去兩年實地視察7.1遊行。據了解，已經有11名委員報名視察；吸取去年7.1遊行至深夜11點先結束嘅經驗，今年監警會視察團會分兩更，分別喺中午12點至下午4點，以及下午4點至晚上結束遊行為止，以免委員太辛苦。
至於舊年撞正大女喺英國中學畢業、需要臨時改機票延遲出發嘅郭琳廣，佢話今年輪到細女喺英國中學畢業，佢今次一早訂咗7.1深夜航班，以便視察完即刻出發去英國。
被問到有冇諗過唔落場視察，以免咁頻撲，郭主席話：「冇諗過，因為7.1遊行好重要，如果唔落場視察，唔係咁好。」